TUTUR IKANG KANDA PAT BHUTA

Om Awignam Astu Yanamociwa-budhaya

Dumogi tan keneng raja pinulah lan sosot upadarawa kuasan sira paduka bhatara.

Mawosang inggian kewentenan ring kahuripan puniki wantah patut pisan kauningin parindikan daging sastra manut ring “ Lontar Kanda Pat Bhuta “  sane maritatasang indik bhuana alit lan bhuana agung. Sane mangkin kabawosang maka purwaning tutur ikang kanda pat bhuta, mawiwit Saking sang ayah kantun jejaka lan sang ibu kantun bajang. Sang ayah lan sang ibu nutdut kayun ring sajeroning netra / mata raris ngeraksuk ring “ Adnyana Sandhi “ utawi ring pikayunan, punika sampun kabawosang Sang Hyang Surya Candra sampun manjing ring “ Netra Kalih “  netra sang ayah lan netra sang ibu raris punika mijil Sang Hyang Ardha Nareswari “ ritambengan punika ragane sampun mawasta “ Sang Hyang Asmara Pandeleng “.

Rikala sang ayah lan sang ibu ngametuwang rasa saking adnyana sandhi, ngelantur nuju ke cangkem ritambengan punika ragane sampun mawasta  “ Sang Hyang Panuntun Iswaramadu “. Rikala sang ayah ngeraba “ Naroja “ utawi susu sang ibu metu rasa saking kulit sane halus mawiwit telapak tangan sang ayah, ritambengan puniki sampun kabawosang “ Sang Hyang Purusinampatan “ raris ragane sampun mawasta  “ Sang Hyang Panguriping Jiwa “. Rikala sang ayah ngecium utawi niman sang ibu metu rasa saking tamansari sane kabawosang “ Sang Hyang Maruta Tunggal “ nuju ke hirung, rikala punika ragane mawasta  “ Sang Hyang Sambhu “. Sawusan punika wawu sang ayah lan sang ibu ngemargiang hubungan rasa saling tresna “ Mekarma “ sane kabawosang  “ Sang Hyang Kamalulut “  ritambengan punika ragane sampun mawasta  “ Sang Hyang Semara Gimal “.

Risampune genep asasih sang ayah lan sang ibu mengadu tresna metu kama putih saking sang ayah taler kama bang saking sang ibu, ritambengan punika mijil  “ Sang Hyang Surya Candra “ sane kabawosang “ Sang Hyang Maya Siluman “. Risampune genep kalih sasih sang ayah lan sang ibu mengadu tresna metu rasa adnyana sandhi sane kabawosang  “ Sang Hyang Semara Buncing “. Risampune genep tigang sasih sang ayah lan sang ibu mengadu tresna metu sane kabawosang “ Sang Hyang Pancawara Bhuana “ sane maragayan  “ Sang Kala Molih “. Risampune genep petang sasih sang ayah lan sang ibu mengadu tresna metu sane kabawosang  “ Sang Hyang Dewata Nawa Sangga “  sane maragayan  “ Sang Hyang Manik Saprah “. Risampune genep limang bulan sang ayah lan sang ibu mengadu tresna metu sane kabawosang  “Pratiwi, Akasa, Bintang, Bulan rauhing Mega lan Mendung“ masikian ngawentuk ragan imanusa, sane mawasta  “ Sang Kumareka “. Risampune genep pitung sasih sang ayah lan sang ibu mengadu tresna sampun mabentuk manusa, wenten sirah, merambut, mekarna, manetra, mahirung, macangkem, metengen, maraga, matangan, masuku, maperut, mamadia, mapusar, mabaga utawi mapurus, mapupu, majari lan jangkep saisin paragayan imanusa, rikala puniki kabawosang  “ Sang Hyang Citramareka Matimajahita “. Dewan nia mawasta  “ Sang Hyang Citragotra Lang Sang Hyang Citragotri “  sane kaasuh olih “ Babuktas Bang lan Babu Gundi “ sane nyaga  “ Sang Hyang Mandiraksa lan Babu Galungan “, asapunikia pula palining manados manusa.

Sawetara nem sasih suwennyane ring sajeroning garba sang ibu, malih wenten semeton ragane embas saking sang ibu sane mawasta  “ Babu Lembana “  rikala punika ragane mawasta  “ I Larakuranta “. Risampune genep pitung sasih sajeroning garba sang ibu malih wenten embas semeton ragane mawasta  “ Babu Abra “ rikala punika ragane mawasta  “ Sang Hyang Lumut “. Risampune genep kutus sasih sajeroning garba sang ibu malih wenten embas semeton ragane mawasta  “ Babu Kakere “  rikala punika ragane mawasta  “ Sang Hyang Kamagere “. Ritambengan sekadi punika ragane sampun ngawitin menyatu saling tresna asihin lan saling sayangin sareng-sareng amangan  “ Lumut Batu “  saking tetesan  “ Kendi Manik “. Risampune genep siya sasih sajeroning garba sang ibu malih wenten embas semeton ragane mawasta  “ I Gajah Petak “  rikala punika ragane mawasta  “ I Rangga Babai “ ritambengan sekadi puniki ragane mapikayun embas saking garba sang ibu, mawiwit sih ida hyang parama kawi semeton lan ragane embas kasarengin  “ Windu Macantel “.  Rikala ragane embas irika ragane kaicain / ditertawakan olih sang ayah lan sang ibu taler semeton duwe sane dumunan embas ring ragane, ritambengan punika ragane sampun wenten ring   “ alam nyata utawi precepada “  rikala punika ragane mawasta  “ I Rare Kruncur “.

Rikala sampun pusar utawi odel ragane katugel antuk  “ Ngaad “ ragane sampun mawasta  “ I Kaki Ciwagotra lan I Nini Ciwagotra “ ,rikala punika ragane sampun mawasta  “ Sang Hyang Kumarencang-kumarincing “ riwusane kaborehin antuk kunyit lan kapur sane keramu antuk semeton ragane sampun mawasta  “ Sang Hyang Purwa Sarikuning “. Sawusan ragane kasiramang irika dados ragane sampun mawasta  “ Sang Naga Gombang “.

Risampune ragane wusan nginem susu sang ibu rikala punika ragane mawasta “ Sang Kama Ngambi “ rikala ngawitin nginem susu sang ibu ragane mawasta  “ Sang Sinunganing Pamangan Empehan “  lan rikala wawu ngawitin mangan nasi ragane mawasta  “ Sang Dumasratna “. Rikala putus odel ragane mawasta  “ Sang Menget Astit Jati “, selanturnyane rikala ragane eling lan nguningin sang ibu, sang ayah ragane mawasta  “ Sang Hyang Panon Pandeleng “. Rikala ragane sampun prasida mangerekang angga sarira ragane mawasta  “ Sang Hyang Waya-wayahan “  lan rikala ragane sampun prasida malinggeb, nengkayak taler nangis utawi ngeling ragane mawasta  “ Sang Hyang Enta-ento “. Rikala ragane uning mengerang utawi grenggeng-grenggeng ragane mawasta  “ Sang Hyang Japa Mantra “.

Rikala ragane ngawitin uning negak ragane mawasta  “ Sang Hyang Guru “, rikala ragane ngawitin uning mesandekan utawi mareren ragane mawasta  “ Sang Hyang Kunti Swara “, rikala ragane ngawitin uning nyongkok ragane mawasta  “ Sang Hyang Pakriya-kriya “, rikala ragane ngawitin uning ngematang tangan ragane mawasta  “ Sang Hyang Unggat-unggit Kawenang “, rikala ngawitin ragane uning majujuk ragane mawasta  “ Sang Hyang Tangan Sidhi “, rikala ragane ngawitin uning ngedeng kain sekadi wastra, kampuh lan sane sewosan ragane mawasta  “ Sang Hyang Pangundur “, rikala ragane ngawitin uning mapalaliyan ragane mawasta  “ Sang Hyang Rare Angon “, rikala ragane ngawitin uning ngangge panganggo utawi busana ragane mawasta  “ Sang Hyang Astagina “, rikala ragane ngawit uning ngambil utawi ngereh ajeng-ajengan utawi grapa-grepe ragane mawasta  “ Sang Hyang Astatunggal “.

Rikala ngawitin ragane uning mesolek utawi ngiyas raga ragane mawasta  “ Sang Hyang Anuksmara-anismari “, rikala ragane ngawitin uning malali utawi kemo-mai kaumah kaluarga ragane mawasta  “Sang Hyang Ameng-ameng”, rikala ragane ngawitin uning meplaliyan sareng sawitra utawi kekantenan ragane mawasta  “ Sang Hyang Kama Geger “, rikala ragane ngawitin uning metali tresne utawi matunangan ragane mawasta  “ Sang Hyang Ardana Asih “.

Kajaring ikang panolakan Adesti, Aneluh, Aneranjana, saluwiring aji Pangiwa pangeleyakan :

Risampune ragane mawusa solah dina embas nyane saking sang ibu, imanusa ugig sane mangelarang aji pangiwa ten prasida antuka jagi manyengkalain kerana ragane kantun kajaga utawi kaempu olih I Buyut, I Kompyang lan I Wayah sane maragayan lanang utawi istri, kenten taler rikala ragane sampun kekariyanang upakara  “ Roras Dina “ makesami sekadi I Buyut, I Kompyang lan I Wayah mawali ring genah niskala suwang-suwang.

Petprade ten kaelakang rikala ragane mayusa solas dina kena gring mawiwit saking wang angular aji pangiwa-ngiwa nanging ten kawarasan, gring punika manadi gring aba-abaan sang anumadi. Yaning rikala ragane mayusa telung sasih kena gring aji ugig pangiwa-ngiwa wenang katambain antuk “ Widuh Bang utawi paes katubang base anak tua nginang “ raris kapuja japa mantrain lan ngelantur polesang “ Metampak Dara “ ring pamuku tulang ragane, sampunang lali rihin dagingin titik bang pinaka dasar ngelantur kapuja matra :

“ Ih embok Tunjung Putih, kenget akena ujarta, ikang lampah watunia anuju kadewatan, maring swarga, maring gedong kunci, lah sigra ajak akena ibunta, bapanta, ring sada wengi, anujuaken pasar agung, apan bapanta lan ibunta wus angempu ring luhuring pratiwi, anggda sida anolak aken ikang gring witning bhuta yaksa, bhuta yaksi, bhuta kala, bhuta dengen, guna-guna, adesti, aneluh, aneranjana, angda awalik undur tan kasidan anyakiti  ikang rare“.

Sausan punika raris rare karyanang pengambar-ngambar masrana antuk  “ adem tatwa “  sane sampun kapujain sekadi ring sor puniki :

“  Ong Bhuta Putih, 3x. . . . . Om, Am, Um, Mam, Om. “   Bhuta Putih linggih akena ring jantung, angrasuk ikang telapak tangan,  Om, Mam, . . . Om, Am, Kala Brahma. . . linggih akena ring paru-paru, angrasuk ikang lambe lan ring hati, Om, Am, ring segara, linggih akena ring pangambarania, angrasuk ikang netra, Om, Hrang Om, Kala Dengen, linggih akena ring angen-angen, angrasuk ikang irung kalih, metu ring bhuana agung, empu akena I Lara Cili, angda ayu ikang rare, Ayu. 3x. Sa, Ba, Ta, A, I.

Raris sembar utawi simbuhang adem tatwa inucap pinaka panyengker ikang rare. . . . walik kuri ring ikang rare. Dangin umahe sembar marep kangin, dajan umahe sembar marep kaja, dauh umahe sembar marep kauh, delod umahe sembar marep kelod.

 “ Malih kabawosang ring ikang rare “

Yaning ikang rare embas saking garba sang ibu “ Rahajeng lan paripurna “  riwus nugel tambuni utawi ngelepas ari-ari punika katitenin sekadi kabersihin, raris kagenahang ring tengah Nyuh sane sampun kasibak utawi kabelah dados kalih. Selanturnyane kadagingin tulisan ha, na, ca, ra, ka, da, ta, sa, wa, la, ba, nga, pa, da , ja, ya, nya, a, i, u, e o, e, angka 0, 1, 2, 3, 4, 5, 6, 7, 8, 9, lan sane sewosan. Base sulasih asiki, Bungan tuwung kakalih, Dwi pitung macem, jinah kepeng solas keteng. Sahusane punika raris kaput antuk kain putih kategut utawi kaiket antuk benag putih utawi benang tri datu lan kabungkus malih antuk ijuk ne paling sisi selanturne kapendem ring natah ajeng pamesuwan umahe nampek capcapan. Yaning Lanang kapendem ring tengen rikala ragane medal taler yaning istri kapendem ring kiwa rikala ragane medal. Sapmpunang lali gagumuknyane mateteh antuk batu lan maambar-ambar atuk tiying siya katih taler sampingne gagemuke punika tanemin bunga sane maduwi maka tatujone mangde ikang rare tan kakanggu olih imanusa sakti. Selanturnyane rikala ngicen ikang rare ajeng-ajengan usan punika katurang ring gegumuk ari-ari punika jangkep toya susus sang ibu punika, aturi semeton ikang rare sane papat punika lan kagenahang becik mangda tan kakecogin utawi kalangkahi kuluk utawi sane sewosan, punika mawiwan kasengker atuk tiying.

Selanturne upacara tigang sasih ikang rare, rikala ngahyut banten penehinan ikang rare kekaryanang upkara pras pejati katur ring Ida Bhatara Guru Ciwa Sakti lan Ida Bhatara Hyang Budha Dharma taler katur ring para widiadara-widiadari lan jangkep pengesornyane sekadi sega putih kuning. Patut kaelingin ! . . .  rikala nugel tanbuni utari nugal odel ikang rare sane ngatut ring ari antuk ngaad tying, aon perantenen, tasik, tingkih, minyak, kunyit, makasami punika kakumpulan mawadah don dadap tis sesampun punika sarengang mendem ring samping ari-ari sane sampun ring tengah nyuh lan sampun makaput antuk kasa lan paling sisi antuk ijuk. Yan tan anut pemargine sekadi asapunika ikang rare sering karengga antuk sakit, punika mawinan patut kauningin makesami madruwe wasta utawi aran. Bedak Lulur manadi sakit uyang, sukeh sire taler sakit ring paukudan. Minyak manadi sakit uyeng-uyengan, taler mencret. Garam manadi sakit guwan padresdes ring lambe. Kunyit manadi sakit medped utawi desentri.ijuk manadi sakit sane maedahan sekadi, batuk, kejang-kejang, asma, setep, bengka taler sane sewosan. Makasami nyidayang nyakitin salami rare mayusa ngantos awarsa. Sawusane semeton papta utawi sang catur sanak punika awarsa nampingnin sang rare ngelantur ragane makesami metilar nuju catur genah lan meganti wasta, sekadi Anggapati ring Purwa, Mrajapati ring Daksina, Banaspati ring Pascima, Banaspati Raja ring Utara maka samni punika sampun marupa “Aeng maragayan Pisaca” salami tigang warsa utawi telung tiban metilar rawuh malih nyingak ikang rare. Apan ikang rare sampun mayusa petang warsa, metu nenten keni antuk semitone sane sampun maragayan pisaca ngingetin apan ikang rare sampun maraga anak alit, raris semitone punika “ Sang Catur sanak “ metu muka ipun anyati dados “ Sang Catur Bhucari “ sekadi Bhuta Bucari, Kala Bhucarai, Durga Bhucari, Lan Pisaca Bhucari raris metilar malih mangebekin jagat bhuana agunge.

Mararapan antuk parindikan sekadi punika, yaning ragane nenten paritatas ring pinaka dasar lelintian semitone sane sampun maraga pisaca lan tan ragane eling masemeton meton irika semitone jagi mencanain lan manyakitin ragane. Kenten taler sawalikne yaning ragane eling  masemeton ring “ Ikang Catur Sanak “ metu semeton ragane jagi sayang lan asih ring ragane tur “ Pari Tindih “ ring ragane. Yaning sampun sekadi punika pitenger nyane ragane sampun kaucap manados “ Manusa Sakti “ mapan sampun kaparitindihin ring semitone sane patpat punika sekadi sang Catur Sanak.

Maritatasang inggian “ Pamali “ inggih punika Sang Catur Sanak [ ari-ari ] sane kapendem ring natar Griya, Jero, Umah utawi pakubon sepatutnyane kaparitatasang lan kaaturin yadnya [ banten sane manut kabuatang ] sekantun nyane maraga Ikang Rare [ sawetara awarsa ] apan Sang Catur Sanak kantun malinggih sareng-sareng irika. Risampune Sang Catur Sanak punika maragayan “ Pisaca “ marupa aeng irika Sang Catur Sanak marupa, I Angga Pati, I Mraja Pati, I Banas Pati, I Banas Pati Raja. Malataran antuk pawetuwan sekadi punika Sang Catur Sana punika polih panugrahan Ida Hyang Ciwa ring Prabawan Idane sane “ Nyatur “, I Angga Pati polih panugrahan Aksara Uh ring Ida Hyang Iswara, I Mraja Pati polih panugrahan Aksara Eh ring Ida Hyang Brahma, I Banas Pati polih Aksara Ah ring Ida Hyang Maha Dewa, I Banas Pati Raja polih Aksara Ah ring Ida Hyang Wisnu.

Maka wigunan Anunggil aken Sang Catur Sanak ring Angga Sarira watah mikardi ragane sekadi ;  Waras, Rahayu [ pinaka pangijeng Raga ], Adesti, Aneluh, Anerajana, manut kawisesan maraga “Manusa Sakti” mapan sampun Kaparitindihin olih Sang Catur Sanak punika. Kawisesan punika manut “ Gagelaran “ sane kabuatang sekadi ;  * Atma Bhuta watah gagelaran Ala / Aji Ugig pinaka Pangeleakan, * Tatwatma Kala wantah gagelaran Ayu lan Papa pinaka Desti, * Niratma Dewa wantah gagelaran Ayu lan Papa gagelaran Baliayan utawi Dukun, * Atmyatma wantah gagelaran Ayu sih dening Bhatara Iswara ring Taru Pramana pinaka Tamba, Waras, sembuh.

“ Kawisesan Sang Catur Sanak “

Sang Catur Sanak piniki setata wastanyane maubah-ubah manut kawenten “ Galah lan Genah “ taler manut sane kabuatang ring Sang sane manyungkemin utawi sane ngerasukang [ Anunggil aken Sang Catur Sanak punika ], nenten tetep mawasta, I Angga Pati, I Mraja Pati, I Banas Pati, I Banas Pati Raja.

Semeton sane pinih “ Sakti Mandra Guna “ inggih punika semeton sane marupa “ Yeh Nyom “ sane mawasta I Japrag, yane muka Ida maraga “ Sang Kala Kalika “, I Jalang manadi “ Sang Kala “, I Sugian manadi “ Durga “, lan I Kered manadi “ Bhatara Yama “. Risampune sami Ida mawujud utawi marupa makasami Ida malinggih ring “ Lidah “ Sang Anunggil aken Catur Sanak ring Angga Sarira “ rikala punika ragane sane ngeraksukang Catur Sanak punika sampun maragayan “ Sang Kala Mretyu “ . Yaning sampun sekadi asapunika Sang Catur Sanak Punika sampun maragayan Angga Pati, Mraja Pati, Banas Pati, Banas Pati Raja sane matunggilan ring angga sarira, dadosnyane sami punika mawasta “ Panca Kala Bhuta “ pinaka gabungan semeton sane papat sareng ragane. Punika sane ngawetuwang Panca Maha Bhuta sekadi palinderan [ Pasuk – Wetu ] sekadi ; Pretiwi [ tanah ], Apah [ hawa ], Teja [ cahaya ], Bayu [ tenaga ], Akasa [ angkasa ]. Pawetuwan saking Bhuta, Kala, Dengen, Dewa, Bhatara mijil “Aksara suci” inggih punika Sa, Ba, Ta, A, I. Makasami punika ring Sastra Kanda Pat Bhuta “ Pasuk Wetu “ sampun kabawosang Ida Leluhur madasar antuk ; Bhuta, Kala, Dengen, Dewa ;lan Bhatara, punika mawinan panadyan nyane “ Panca Maha Bhuta “.

Wasta Sang Catur Sanak ring sejeroning “ Galah lan Genah “

Tata titining anunggilaken Sang Catur Sanak ring “ Angga Sarira “ manut genahnia ring bhuana alit antuk Ngradana Sika ngamargiang Palinderan Prana ; * Recaka, * Kumbaka, * Puraka, . . . . Nganggen Papetekan 5. 11. 6.  “ I Anggapati “ saking Manah raris manjing ring cangkem [ recaka : 5 ] lan kalinggihang ring Jantung [ kumbaka : 11 ] ngelantur pinaka penyelah linggih [ puraka : 6 ] .

Tata titining anunggilaken Sang Catur Sanak ring “ Angga Sarira “ manut genahnia ring bhuana alit antuk Ngradana Sika ngamargiang Palinderan Prana ; * Recaka, * Kumbaka, * Puraka, . . . . Nganggen Papetekan 5. 11. 6.  “ I Mrajapati“ saking Manah raris manjing ring Hirung [ recaka : 5 ] lan kalinggihang ring Nyali / Empedu [ kumbaka : 11 ] ngelantur pinaka penyelah linggih [ puraka : 6 ] .

Tata titining anunggilaken Sang Catur Sanak ring “ Angga Sarira “ manut genahnia ring bhuana alit antuk Ngradana Sika ngamargiang Palinderan Prana ; * Recaka, * Kumbaka, * Puraka, . . . . Nganggen Papetekan 5. 11. 6.  “ I Banaspati “ saking Manah raris manjing ring Netra kalih / mata [ recaka : 5 ] lan kalinggihang ring Hati / Ati [ kumbaka : 11 ] ngelantur pinaka penyelah linggih [ puraka : 6 ] .

Tata titining anunggilaken Sang Catur Sanak ring “ Angga Sarira “ manut genahnia ring bhuana alit antuk Ngradana Sika ngamargiang Palinderan Prana ; * Recaka, * Kumbaka, * Puraka, . . . . Nganggen Papetekan 5. 11. 6.  “ I Banaspati “ saking Manah raris manjing ring Netra kalih / mata [ recaka : 5 ] lan kalinggihang ring Hati / Ati [ kumbaka : 11 ] ngelantur pinaka penyelah linggih [ puraka : 6 ] .

Tata titining anunggilaken Sang Catur Sanak ring “ Angga Sarira “ manut genahnia ring bhuana alit antuk Ngradana Sika ngamargiang Palinderan Prana ; * Recaka, * Kumbaka, * Puraka, . . . . Nganggen Papetekan 5. 11. 6.  “ I Banaspati “ saking Manah raris manjing ring Netra kalih / mata [ recaka : 5 ] lan kalinggihang ring Hati / Ati [ kumbaka : 11 ] ngelantur pinaka penyelah linggih [ puraka : 6 ] .

Tata titining anunggilaken Sang Catur Sanak ring “ Angga Sarira “ manut genahnia ring bhuana alit antuk Ngradana Sika ngamargiang Palinderan Prana ; * Recaka, * Kumbaka, * Puraka, . . . . Nganggen Papetekan 5. 11. 6.  “ I Banaspati Raja “ saking Manah raris manjing ring Karna / Telinga [ recaka : 5 ] lan kalinggihang ring Limpa [ kumbaka : 11 ] ngelantur pinaka penyelah linggih [ puraka : 6 ] .

Ayua papeka ring kajaraning Pasuk – Wetu ikang catur sanak, angda sida paripurnam amica aken kawisesan ring Angga Sariranta, siddha sidhi sihing ikang Dewata Nawa Sanga, angda tan kamanjingan dening Sang Bhuta Ijo Nawa Sanga. Samangkana kajaring ikang sastra “ Kanda Pat Bhuta “ lah sigra pilihakena “ Gagelaran nia “ , Atma Bhuta, Ala, Leak. Tatwatma Kala, Ayu, Desti. Niratma Dewa, papa, balian / dukun. Atmyatma Bhatara Iswara, tamba, obat, waras, sembuh [ Taru Pramana ].

“ Piteket “ yaning jagi ngerasukang utawi nunggilang Sang Catur Sanak, elingakena nunas panugrahan antuk pengapti [ doa ] rihin ring kekuatan / kramat Sang Yayah lan Sang Ibu, diyastun kantun ragane maurip. Punika mawinan sepatutnyane ragane sauninga ring semitone samiminakadi, Ari-ari [tembuni] mawasta : I Rered, Luu / lamas [selaput tembuni] mawasta : I Sugian, Darah mawasta : I Walang, Air Ketuban / Yeh Nyom mawasta : I Japrag. Kewentenan sami punika kawastanin : Anta, Preta, Kala, Dengen. Sane mawit sekadi, Kala punika wit sakit Darah, Dengen punika wit saking Air Ketuban / yeh Nyom. Taler panunggilan Semetun papat punika, sekadi : I Kered matunggilan sareng I Sugian, lan I Walang matunggilan sareng I Japrag.

Sausannyane nunggilang Sang Catur Sanak utawi ‘ Semeton ragane sane Papat “ punika patut ragane nginem toya suci sane mawadah “ Sangku Permata “ ngelantur Ngemedalan Kawisesan Sang Catur Sanak, raris karyanang Genah sane Nyatur sekadi ring sor puniki ;

Purwa, Warna Putih / Petak linggih I Angga Pati antuk Aksara UH

Daksina, Warna Barak / Bang linggih I Mraja Pati antuk Aksara EH

Pascima, Warna Kuning / Pita linggih I Banas Pati antuk Aksara AH

Utara, Warna Selem / Ireng linggih Banas Pati Raja antuk Aksara IH

Makasami punika semeton ragane “ Sakti Mandra Guna “  agung kabinawa, punika mawinan ragane sepatutne ngemargiang mangda ANUT lan PATUH ring ikang sastra Kanda Pat Bhuta, Kanda Pat Dewa, Kanda Pat Sari.

Malih kabawosang Sang Catur Sanak malinggih ring makudang-kudang genah sekadi ring sor puniki ;

Keputusan Para Dewa sane wenten ring Palinggih Meru  utawi “ Miyu “ mawasta I Belis, Dewa sane wenten ring Sanggar Mamuja / Bale Puja mawasta I Setan, Dewa sane wenten ring Palinggih Bebaturan / Batu mawasta I Kancal, Dewa sane wenten ring Tegal utawi Abian mawasta I Jajil, Dewa sane wenten ring Toya / Air mawasta I Amad, Dewa sane wenten ring Margi / Jalanan mawasta I Brenjong, Dewa sane wenten ring Parempatan / Catus Pata mawasta I Cili Mangendruk, Dewa sane wenten ring Pura Rambutsiwi mawasta I Mburagakunti. Mangda nenten ragane kemengan mikayunin kewentenan “Witnyane” I Nini Ciwagotra lan I Kaki Ciwagotra makasami punika metu saki pikayunan masrana antuk nunggilang / anunggilaken Sang Catur Sanak punika, maka sami punika patut kamijilang asing bhuana alit / angga sarira manut palinderan pasuk wetu ikang catur sanak pinaka “ Tatujon “ Ngeruwat musuh utawi sahananing Lara, Roga, Papa-klesa, Sebel-kandel, ring Bhuana Alite lan Bhuana Agunge, punika mawinan I Nini Ciwagotra lan I Kaki Ciwagotra pinaka semeton ragane sane pinih Duwur [paling kelih] mapan makakalih punika sane nguwasain ragane I manusa, taler ragane makakalih punika sane ngawinang “ Kesungkanan, Kesedihan, Kebahagian “ manut catur bekal ragane maurip, sekadi Suka, Duka, Lara lan Pati.

Semeton ragane sane prasida antuk mapaiketan ring angga sarira sekadi, Preta, Kala lan Dengen. Ragane punika mawisesa yaning sampun menyatu utawi matunggilan ring angga sarira sane pinih utama majeng ring semitone sane pinih duwur [ paling kelih ] punika medalang lan tunasin “Ngruwat” sahananing penyakit wit pengardi wong ugig sekadi anak buduh utawi wong sisu lan wong babainan.

Puja Mantra pangruwat sakit utawi ngubadin anak sakit   “ mangda gelis seger / waras “ :

Tangiakena Sang Catur Sanak antuk puja weda “ Prana “ antuk :

Endah te ira Sang Catur Sanak, Angga Pati, Mraja Pati, Banas pati, Banas Pati Raja, Witning kawisesan sanak ira Sang Anta [ ari-ari ], Sang Preta [ lamas ], Sang Kala [ darah ], Sang Dengen [ Yeh Nyom ]. Ayua ta iki sanak ira prasama angelaku Gring-Lara – Kasmala anyakiti ring angga sariranta si anu, . . . . . . . . . . . . . . . . . . . . . . . . ., rimangke sanakmu iki angatur aken saji / banten puja pitra lan anolak aken kasmalanta, “ Om, Ang, Um, Mam “  kenget akena ta ira apan sanakmu iki putra ikang I Nini Ciwagotra, I Kaki Ciwagotra. Ika marmanian sanakmu iki maraga ikang Sang Hyang Dharmawisesa. Malungguh ring Puncak wurung-wurung gading, wus ta hira amangan – anginum sarwaning sarwa saji, lah sigra amantuka ira prasama ring kadewatan ira suwang – suwang. Anta mawali lan jenek ira ring Watukau, Preta mawali lan jenek ira ring Pasaren, Kala mawali lan jenek ira ring Catu, Dengen mawali lan jenek ira ring Cungkub-Kahyangan Dalem / Sad Kahyangan Dalem Prajapati. Prasama Gring-Lara kasmala “ Musnah, Musnah, Musnah “ , . . Om, Sa, Ba, Ta, A, I. Na, Ma, Si, Wa, Ya, raris ngemargiyang “ Jenena Prana, 5, 11, 6 “.

Sawusan punika rangsuk akena ikang Catur Sanak  “ Pasuk wetu “  ring raganta utawi anunggilaken Sang Catur Sanak ring Angga Sarira lan ametuaken Kawisesan nia. Wus mangkana linggih akena Sang Catur Sanak ring Wong Gring-Kasmala. Pateh sekadi ngemargiang sesarik : Anta ring Ajeng, Preta ring Tunggir, Kala ring Tengen, Dengen ring Kiwa.

Wus ta ira Sang Catur Sanak alinggih nyatur ring Angga sariranta si anu , . . . . . . . . . . . . . . . . . . . . . . . . Ayua ta ira papeka, lah sigra anindihaken sanak ira angda sida Dirga Yusa, murah rejeki sih dening Sang Hyang Dewata Nawa Sanga lan tan karengga dening Sang Bhuta Ijo Nawa Sanga. Om, Sryem Bhawantu, Sukam Bhawantu, Purnam Bhawantu, Sidhi Astu, . . . . Astu tat Astu, . . . . Astu Swaha.

Sawusane ragane nambanin wong Agring rawuh ring Griya, Puri, Jero, Umah utawi Pakubon, ragane nenten dados ngajengang sirih utawi Base [ ten dados nginang ]. Ngelantur sepatutne ragane mekarya Toya suci / Air suci katur ring semeton druwene Sang Catur Sanak ring Angga sarira, masrana “ Sangku / Sibuh medaging Permata “  dagingin toya anyar, kapuja wedain masrana sekar jepun apasang [ jepun putih / jepun Bali lan jepun kuning / jepun Canana ], raris percikang maketisping tiga ring angga sarira, ring sirah, kainem lan maraup utawi masugi, antuk Puja Weda / Mantra :

Endah te ira Wayan Tauman, ira Made Maduwum, ira Nyoman Pangadangan, ira Ketut Mahadewi, rimangke ira kasirating tirta pabersihan, penyucian lan pangening-ngening angda prasida yascita idepta lah sigra paritindih ri sanak lan Kahyangan ira. Ajake ta sakweh sanak ira papat kadi I Lara Tanaya, ira maka Dewaya ring Pura Dalem, Dewaya ring Pura Batur, Dewaya ring Pura Sakenan, apan remangke pawetuwan ira “ Manik Catur Bhuana “ Ayua nora-nora paritindih ri sanak ira. OM, . UH, EH, AH, IH, . . Om. . . . Sa, Ba, Ta, A. I, Na, Ma, Si, Wa, Ya. . . . . Om

Endah ta ira Sang Hyang Cenik, amunggah ta ira ring Miu [ Meru ] lumampah amangked siwu amarep kitanta ring kaweruhnia ikang Kuranta Mas, maring Pratiwi sejati ika anemu ring Sapta Patala anemuaken Kuranta Selaka, Ika marmanian ira maraga Sang Hyang Cenik Sakti Utama. Kawisesanta anemu ikang Akasa lan lakunia anyusup ikang Pratiwi Tala. Ira tan keneng sosot upadarawa kuasan sira Dewa Pitara, tan keneng rubeda dening Yaksa-yaksi, Bhuta Kala, Bhuta Dengen, Desti, Tuju, Teluh, Teranjana, Guna-guna wang Lanang-wadon witning manusa Sakti Utama, ika marmaning ira angelebur sarwaning Kutukan, Sumpah, sarwa Musnah, Poma. . . Poma. . . . Poma, . . . Om,.. . Namo namah Swaha.  .   .  .  Om, . . . . Ang, Ah, . . . Om.

Inggih sekadi asapunika kesaktiang semeton ragane sane embas sareng-sareng pinaka Sang Catur Sanak. Malih kabawosang rikala jagi nambanin Wong agring kena Desti, Babai, Pakakas, sepatuitnyane ngemargian Mantra Panyapa pinaka pamusnah ikang “ Gring “.

Endah ta kita angawe Gring ring si anu, . . . . . . . . . . . . . . . . . . . . . . . . . . Om, . . . Ang, . . Ah, . . iki pamurtian ira maka Dewaning Pura Dalem, marmanian ira tatas maring sanak marganta, ayua kita murka maring ira, apan I Cengkrong kumpinta, I Nini Cengkrong dadongta, I Rajin yayahta, I Mirah Setan Ibunta,  . . . Am, . . Om, . .Mam, Um, Mam, apan ira iki pinih wisesa maraga “ Manusa Sakti “  Om, . . Mam, . . Ira pinaka Bapa, banyu ira pinaka Bhatara Iswara, kama ira pinaka Pratiwi, banyu ikang yayah manjing ring wulu sariranta.  Ah, . . Ih, . . . ika marmannian kaweruhan ira pinaka Akasa lan Pratiwi. Lamakaning ikang Gring musnah, lebur amantukan ring pratiwi, Am, Um, Mam, . . .Om, . Ang, . Ah, . . Om.

Malih puniki tutur ikang Dewa ring angga sarira utawi ring Bhuana Alite, maka tatujon nincapan kawisesan lan kabawosang “ Manusa Sakti “ , selanturnyane yaning ragane mapikayun sakti utama samunang lali ring keputusan semitone sane papat punika sekadi : Anta wantahmarupa Ari-ari, Preta wantah marupa Lamas, Kala wantah marupa Darah / Rah, Dengen wantah marupa Yeh Nyom. Makesami punika kalinggihang antuk prana, minakadi Kala ngawetuwang “ Gring “, Angga sarira ragane pinaka “ Genah “. Yaning Sang Catur sanak Maragayan Dewa, raris linggihang ring angga sarira manut genah Pangider Bhuana sekadi : Dewa Iswara ring Papusuh, Dewa Mahesora ring Peparu, Dewa Brahma ring Hati, Dewa Rudra ring Usus, Dewa Mahadewa ring Ungsilan, Dewa Sangkara ring Limpa, Dewa Wisnu ring Ampru, Dewa Sambhu ring Ineban, Dewa Ciwa ring Tumpuking Hati. Keputusan Dewa ring Pura Puseh kalinggihang ring Jantung, Dewa ring Pura Dalem Sari kalinggihang ring Hati, Dewa ring Pura Cangkub Kahyangan kalinggihang ring Limpa, Dewa ring Pesaren kalinggihang ring Empedu, taler kauningang yaning ragane sampun wenten nyaga tur kaparitindihin olih Sang Catur Sanak utawi semitone papat sekadi, Anta, Preta, Kala, Dengen, inggiang punika ragane sampun kabawosang I Manusa Sakti. Dewa ring Pura Dalem sane maragayan Dewi Durga kalinggihang ring ujung Lidah, Bhatara Yama kalinggihang ring tengah-tengah Lidah, Yaning sampun genah punika kacumawi lan kayakinin raris ragane “ Ngaredana Sika – Prana “ ngalinggihang Ongkara Nyungsang ring bongkol linggih punika. Sawusan punika Raris gerakang Ongkara Nyungsang punika nuju ring selagan alis, ngelantur gerakang nuju ujung hidung utawi irung ngelantur kagerakan malih nuju ring Netra kalih utawi Mata, Rawuh irika pinaka linggihnyane ngelatur iket lan kalinggihang antuk Ngaredana Sika – Prana masrana ngekum hitungan 3, 7, 4. [ recana 3, kumbaka 7, puraka 4, raris ngekum / ngunci ]. Punika mawina pinih dahat pisan indik puniki, ngelantur yang prasida ngemargiang lan ngelinggihang makasami puniki ragane sampun ragane kabawosang I Manusa Sakti lan kajerihin antuk sahananing “Aji Pangeleakan” [ elingakena Angregep antuk Amusti Karana ].

Selanturnyane rikala ngamargiang “ Ngarenada Sika – Prana lan Amusti Karana “ sepatutnyane prasida angere Indria lan Angulat Sarira, tan eling ring kewentenan utang-kapiutangan mangda pikayunan ragane ngewindu utawi ngosongang kayun, manunggal raga lan kayune. Sane kapangarad ring sejeroning kayun wantah prabawan “ Ida Sang Hyang Dewata Nawa Sanga “ inggih punika sekadi Bhatara Maheswara sane malinggih ring Jantung, Bhatara Rudra mawali matunggilan manadi utawi maragayan Bhatara Brahma sane malinggih ring Hati / Ati, Bhatara Mahadewa mawali matunggilan manadi utawi maragayan ring Bhatara Indra malinggih ring Netra utawi Mata, Bhatara Sangkara mawali matunggilan manadi utawi maragayan ring Bhatara Wisnu magenah ring Empedu, Bhatara Sambhu mawali matunggilan manadi maragayan Bhatara Surya malinggih ring Ciwa Dwara [ ring Pabaan utawi Ubun-ubun ], taler ngelantur Ida Batara Iswara kapangarad mangda matunggilan ring Ida Bhatara Surya  lan kekum irika “Ngelantur mamuja weda utawi ngemargiang Japa Mantra manut sanekabuatang“ sane maswara ring kerongkongan punika wantah satmaka tirta punika medal saking kerongkongan. Sekadi punika Aji Pangaradan Sadewa-dewa nunas panugrahan percitan “ Tirta Amretha “ utawi nunas tamba, pangijeng raga – karang lan sane sewosan manut ring pangapti suwang-suwang karya. Sawusane ngemargian Perindikan punika raris Ida makesami katuntun antuk “ Ngaredana Sika – Prana lan Amusti Karana “ maragayan Bhatara Brahma katedunang kalinggihang ring “ Pusara / Pungsed “ antuh puja mantra, Am, . . . 11x, raris Ida Malinggih Maprabawa Ida Sang Hyang Catur Muka – Matiga Netra / bermata tiga “ antuk puja mantra rikala sampun malinggih Am, Um, Mam,. . 11x, . . . Om. Irika Ida malinggih Maragayan Ida Bhatara Sang Hyang Tiga Wisesa, Maprabu tatiga, matangan patpat raris katuntun malih antuk “ Ngaredana Sika – Prana lan Amusti Karana “ kalinggihang ring selagan alis utawi lelata, antuk hitungan 5, 11, 6 raris kekum irika. Ngelantur kapuja mantra , . . Om, . . 11x. Yaning sampun becik pemargine manut sepat siku tata-titining “Ngaredana Sika – Prana lan Amusti Karana” ragane sampun kabawosang I Manusa Sakti sekala-niskala.

“ Paweweh “ manut kajaring Sastra Kada Pat Bhuta – Pasuk Wetu,  kauningan yaning ragane tukun lan ulen ngeraksukang Ngawindhu angelaraken “ Ngaredana Sika – Prana lan Amusti Karana “ nalinggihang ikang Sang Hyang Tiga Wisesa, ragane sampun pinaka Wong Sakti Mandra Guna selaka lan niskala. Punika mawina para musuh ragane ngaton sekadi : Sang Nata kaiter ring Para Bala Wadwa Ida, makwehnyane satu sewu bala sergep saha sanjata.

Malih kabawosan yaning ragane jagi ngalinggihang genah ” Gunung “  ring angga sarira taler semeton ragane sane tepat kalinggihang, mapan Bhuana Agung lan Bhuana Alit wantah mapaiketan dahat erat pisan taler sarwaning sarwa mauripe. Bhuana Agung punika wantah ‘ Pratiwi “ lan Bhuana Alit punika pasujatiannyane watah “ Angga Sarira “. Sekadi semeton ragane sane sareng-sareng embas yaning prasida antuk sampunang icene lepas utawi doh ring ragane.

Endah ta ira Angga Pati, mijil akena ira saking Jantungku, malungguh ira ring Netra lumaris alinggih akena ring pasimpangan warga agung, warna ira petak, Uh, . . Uh. Endah ta ira Mraja Pati mijil akena ira saking Hati / Ati, malungguh ira ring Hidung, lumaris alinggih nira ring Bahu tangan tengen, warnan ira Bang, Eh, . . Eh. Endah ta ira Banas Pati, mijil ira saking Empedu, malungguh ira Cangkem, lumaris alinggih ira Bahu tangan kiwa, warnan ira Ireng, Ah, . . Ah. Endah ta ira Banas Pati Raja, mijil ira saking Limpa, malungguh ira ring Karna Kalih, lumaris alinggih ring Tunggir Pamanggahan, warnan ira Pita – Kuning, Ih, . . Ih. . . Om Ciwa, . . Sa, Ba, Ta, A, I.   Om, Sang Hyang Ciwa, Ciwa Agung Sakti.

Gunung Lempuyang Genah ira ring Ubun-ubun ikang manah, swaran ira Ber, ma aksara suci :

Gunung Agung genah ira ring Jantung, swaran ira Mer,

Gunung Penyu genah ira ring Paru-paru, swaran ira Ber,

Gunung Watu Kau genah ira ring Hati / Ati, swaran ira Er,

Gunung Lajur genah ira ring Usus, swaran ira Wer,

Gunung Mangu genah ira ring Limpa, swaran ira Wer,

Gunung Cemara genah ira ring Limpa, swaran ira Ner,

Gunung Batur genah ira ring Empedu, swaran ira Er,

Gunung Tulubiu genah ira ring Rongga, swaran ira Ger,

Gunung Indrakila genah ira ring Netra, swara ira Eler,

Gunung Suwela genah ira ring Lidah, swara ira Eler, ma aksara suci :

Gunung Panarajon genah ira ring selagan Lelata, swaran ira Depun, ma aksara suci :

Gunung Sukawana genah ira ring selagan Lelata, swaran ira Singne, ma aksara suci :

Gunung Beratan genah ira ring kening, swaran ira Pusep, ma aksara suci :

Om, . . Astu, . . Tat Astu, . . Astu, . . Swaha.  Ah, . . . 11x.  Am, Um, Mam.

Selanturnyane panunggilan Bhuana Agung kalawan Bhuana Alit antuk majalaran “ ngaredana Sika – Prana “ kaanggen ritambeng Nambanin, Nyengker Raga lan Karya sane sewosan manut kabuatang, antuk Puja Mantra :

Endah ta ira Sang Ibu Pratiwi, mawali ta ira ring kulit ku, Ah swaran ira, Pedas mawali ring Isi ku, Uh swaran ira, Embun mawali ring Urat ku, Eh swaran ira, Nyanyad mawali ring Lemak ku, Eh swaran ira, Kayu-kayuan mawali ring Tulang-tulang ku, Oh swaran ira, Dukut mawali ring bulu roma ku, Wah swaran ira, Gulem mawali ringRambut ku, Am, A, Om swaran ira, Goa mawali ring Cangkem ku, Arta Nbah swaran ira, Semer,Nadi, Surya lan Candra mawali ring Netra kalih, Ngnas Pawyah swaran ira, Semak Blukar mawali ring Untu ku, Nir Tdek swaran ira, Tatit mawali ring kdipan Netra kalih ku, Agruh swaran ira, Rejeng mawali ring Karna kalih ku, Ngasweh swaran ira, Cahya mawali ring Alis ku, Kerpungu swaran ira, Langoit mawaliring Tangan, Gereh swaran ira, Akasa mawali ring Usuwan ku, Om Nir Swaha swaran ira. Ah, . . 11x.    Am, Um, Mam. . .     Om, Ur, Er, Ur, . . . 3x.    Om, I, . . . . . . 3x.   Om, Ah, Eh, Uh, Ih, . . . 3x.  Sawusan punika nunggil akena Semetonne papat / Sang Catur Sanak ring Angga Sarira antuk “ Ngaredana Sika – Prana 3,7,4 “ lan kekum ring angga sarira.

Yaning ragane ngayunang “ Api “ pembakaran / pemusnahan saluwiring Gring, Desti lan Aneluh  Aneranjana, sepatutnyane ragane uning ring Sang Catur Sanak utawi semitone Papat sane maragayan api saha uninge nunggilan ring angga sarira ngelantur ngamedalan kawisesannyane. Kesaktian punika medal sekadi, Geni Andila [ api lan angina ], Wulu Puhun [ bulu sane wenten ring jariji cokor ], Geni Mantra malinggih ring Telapakan tangan kalih, Geni Mahabara malinggih ring tambut, Geni Jayengrat malinggih ring Netra kalih, Geni Muka malinggih ring Cangkem. Makasami punika kamurtiang / kawentuk ring tungtunging jiwa “ Jantung “ lan kamedalang saking Cangkem, yaning sampun punika kawentuk utawi kamurtiang “ Angabar-abar / makobaran “ mijil pakeretes magumpal-gumpalan raris punika kamangjingan sane jagi kageseng, menawi : Gring, Desti lan Aneluh – Aneranjana saha sane sewosan manut kabuatang.

Endah ta ira Sang Agni Murub, Am, . . . . 11x. ngelantur ngawindu [ ngenolang pikayun ], Windhu Cakra Dana linggih ira ring Puser ku, swaran ira Murti Aksara, Windhu Tutud linggihira ring sorning Hati ku, swaran ira Am, Meteng Murni Awan linggih ira ring Jantung ku Wingu Agung aran ira, lumampah ring Hati ku, swaran ira Madu dahwan, Windhu Murti linggih ira ring Toya Suci Amretha, lah sigra lumampah ring Empedu ku, swaran ira Murning Sabarah, Windhu Ingga Pugra linggih ira ring Pangkal lidah ku, swaran ira Oh, Hyang Windhu Rahasya Muka linggih ira ring Cangkem ku, swaran ira Neng Nger, Windhu Sungasariwareng linggih ira ring tungtunging Irung, swaran ira Nesatapah, Windhu Taya linggih ira ring selagan Lelata ku, swaran ira Mwahning sacah, Windhu Akasa linggih ira ring Kening ku, swaran ira Wah Rajah, Windhu Bolong linggih ira ring Karna kalih, swaran ira Ambara. Lah alaku ira ring karepta mangke, . . Om, Sa, Ba, Ta, A, I, Om. . . . Om, Am, Um, Mam, . . Om Astu Swaha.

Maka sami punika pinaka dasar “ Ngaredana Sika – Prana “ nguningin swara aksarannyane ring bhuana agunge mangda prasida kasatuang utawi mapaiketan ring bhuana alite. Seantukan yaning sampun merasa menyatu raris Bhatara Hyang Durga ring ujung lidah, Bhatara Yama kalinggihang ring tengah lidah lan Bhatara Guru kalinggihang ring bongkol lidah. Wus makasami punika kawentuk lan kasatuang raris kalingggihang ring Ongkara Nyungsang ngelantur Ida kalinggihang ring selagan kening, saking irika malih kalinggihang ring ujung hidung lan pinih untat kalinggihang ring Netra kalih, kakum irika antuk Ngaredana Sika Prana, 3, 7, 4. Sekadi asapunika tata-titining ngawentuk kesaktian sane pinih utama taler yaning sampun kajangkepin olih yoni Ida Bhatara sane maragayang Sang Catur Sanak, sami musuh-musuh kakasorang kadi keni aji sire plan tan katatunin ban sanjata karyan pande. Ngeraksukang “ Kawisesan Ikang Kanda Pat “ wenang nuju manggih Dina Purnama lan Tilem pinaka galah ngalukat angga sarira muwang ngeraksukang ikang Aksara Swalita Kanda Pat.

Puja Mantra pangeleburan ikang Dasa Mala, Panca Mala ring angga sarira muwang ring Wong Agring:

Om, Mam Brahma Daksinaning Brahmaning Bhutaning mberi, premana saktya ya namah swaha, Om, Om, Brahmasara Wisnuning angluwaraken sarwa papa klesa, wastu muwang supata temah runung ring sarira, lebur musnah supata ilang, dening Hyang Tis Sujati munggwing Rat, sudha-sudha kang punah sarwa papaning apapa, wastuta lukat lebur kang sarwa Juti sarwa Angit wastu ta ilang tan pameneng panerawang-paneruwungsapawastun ira ala kriyane. Wastu, . . . 3x.  Om, tat twa ya namah swaha.

Panunggilan Ider Bhuana ring Bhuana Alit :

Genah ira ring “ Purwa “ Iswara Dewan nia, Bajra Sanjatania, Petak Warnannia, Lima [ 5 ] urip nia, Sa aksara sucinia, Laba catur warania, Umanis panca warania, Urukung sad warania, Redite sapta warania, Indra asta warania, Dangu sanga warania, Taolu, Langkir, Matal, Dukut wukunia, Kapat sasih utawi Masania, Papusuh bhuana Alit nia. Suka Sugih tur Rahayu Dana Punia Setiti Bhakti, guna jatinia.

Genah ira ring “ Ghenia “ Mahesora Dewan nia, Dupa Sanjatania, Dadu Warnannia, Kutus [ 8 ] urip nia, Na aksara sucinia, Jaya catur warania, Paniron Sad warania, Wraspati sapta warania, Guru asta warania, Jangur sanga warania, Gumreg, Medangsia, Uye, Watugunung wukunia, Kelima lan Kenem sasih utawi Masania, Paparu bhuana Alit nia. Widagda Sira ring Niti, Subaga sirang Bhuana, guna jatinia.

Genah ira ring  “ Daksina “  Brahma Dewan nia, Gadha sanjatania, Bang utawi Barak Warnannia, Siya [ 9 ] urip nia, Ba aksara sucinia,  Pasah tri warania,  Mandala catur warania,  Pahing panca warania, Was sad warania, Saniscara sapta warania, Yama asta warania, Gigis sanga warania, Wariga, Pujut, Menail wukunia, Kepitu sasih utawi Masania, Hati bhuana Alit nia. Sampurna tur Dirga Yusa, Adnyan ring Tatwa Aji, guna jatinia.

Genah ira ring  “ Nariti “  Rudra Dewan nia, Moksala sanjatania, Jingga warnannia, Tiga [ 3 ] urip nia, Ma aksara sucinia, Maulu sad warania, Anggara sapta warania, Rudra asta warania, Gigis sanga warania, Warigadean, Pahang, Perangbakat wukunia, Kawulu, Kasanga sasih utawi Masania, Usus bhuana Alit nia. Dharma Sira Tur Susila, Jana Nuraga ring Bhumi, guna jatinia.

Genah ira ring  “ Pascima “  Mahadewa Dewan nia, Nagapasa sanjatania, Pita utawi Kuning warnannia, Pitu [ 7 ] urip nia, Ta aksara sucinia, Kajeng tri warania, Pon panca warania, Tungleh sad warania, Budha sapta warania, Brahma asta warania, Ogan sanga warania, Sinta, Julungwangi, Krurut, Bala wukunia, Kadasa sasih utawi Masania, Ungsilan bhuana Alit nia. Tut Sira Sura ring Rana, Prajurit watek mangaji, guna jatinia.

Genah ira ring  “ Wayabia “  Sangkara Dewan nia, Angkus sanjatania, Ijo utawi Wilis warnannia, Asiki utawi siki [ 1 ] urip nia, Si aksara sucinia, Kala asta warania, Erangan sanga warania, Landep, Sungsang, Merakih, Ugu wukunia, Yesta, Sadha sasih utawi Masania, Limpa bhuana Alit nia. Teleb ring Tapa Bratha, Gorawa Styaning Budhi, guna jatinia.

Genah ira ring “ Utara “ Wisnu Dewan nia, Cakra sanjatania, Ireng utawi Selem warnannia, Papat [ 4 ] urip nia, A aksara sucinia, Beteng tri warania, Wage panca warania, Soma sapta warania, Uma asta warania, Urungan sanga warania, Ukir, Dunggulan, Tambir, Wayang wukunia, Kasa sasih utawi Masania, Ampru bhuana Alit nia. Sudira Suci Laksana,Surupa lan Sadhu Jati, guna jatinia.

Genah ira ring “ Ersania “ Sambhu Dewan nia, Tri Sula sanjatania, Abu-abu warnannia, Nenem utawi Nem [ 6 ] urip nia, Wa aksara sucinia, Sri catur warania, Aryang sad warania, Sukra sapta warania, Sri asta warania, Tulus sanga warania, Kulantir, Kuningan, Medangkungan, Kelawu wukunia, Karo, Katiga sasih utawi Masania, Ineban bhuana Alit nia. Paripurna Santa Dharma, Sidha Sidhi Sihing Warga, guna jatinia.

Genah ira ring “ Madia “ Ciwa Dewan nia, Padma sanjatania, Panca Warna utawi Brumbun warnannia, Kutus [ 8 ] urip nia, I,Ya aksara sucinia, Kliwon panca warania, Dadi sanga warania, Tumpuking Hati / Ati bhuana Alit nia. Gung Prabawa Sulaksana, Satya Bratha Tapa Samadi, guna jatinia.

Yaning ragane sampun uningin makasami puniki ragane sampun kabawosang puput utawi tamat malajahin utawi nelebang kadi dasar “ Tatwa Ikang Kanda Pat “ selanturnyanne ragane wantah ngambil utawi nelebang kadiyatmikaan manut ring “ Gagelaran Kanda Pat “ manut sekadi sane buatan ragane suwang-suwang. Gagelaran punika sekadi, Pangeleakan, Desti, Aneluh, Aneranjana, Panyarangan, Panyengker Raga lan Genah, Pangusadhaan antuk Taru Pramana. Irika malih ragane mapelajahan Tatwa-tatwa Laontar Aji Pangiwa sekadi :  Lontar Pangiwa Ratuning I Macaling Dalem Ped, Lontar Budha Kecapi, Lontar Punggung Tiwas, Lontar Bhumi Tua, Lontar Medang Kemulan, Lontar Pelipih Panca Kanda, Lontar Sundari Gemet lan Sundari Gading, Lontar Uriga lan akeh sane sewosan, maka kasujatiannyane makesami maiketan ring kajaring Sastra pinaka Sang Hyang Manik Lingga Windhu.

“ Uji Ngerasayang Kanda Pat Bhuta Lan Pasuk Wetu “

Mapaiketan ring kajaring Sastra punika, inggian kawentenan Sang Hyang Ardhasastra sane marupa  “Yoni” dasa Aksara sane sampun maduwe kawisesan Ngider Bhuana sekadi, Om, Sa, Ba, Ta, A, I, Na, Ma, Si, Wa, Ya. Sane sampun matunggilan ring Sang hyang Omkara, sepatutnyane kawentuk utawi kalinggihang ring Pikayunan utawi ring Hredaya angga sarira mawastu maragayan Ciwa atma, antuk aksara Om, Ih punika sane manados Windhu. Selanturnyane dados Om, Eh ngawindhu mamurti dados aksara Om [ Omkara ]. Risampune manunggal Sang Hyang Omkara kalawan Sang Hyang Windhu taler kasarengin malih ring Sang Hyang Tigaswari sekadi, Hyang Brahma, Hyang Wisnu, Hyang Iswara, makasami puika manunggal ring “ Empedu “. Mararapan indik punika raris salurang lan wentuk sinar kekuning-kuningan, yaning sampun merasa wenten irika lan jenek irika raris kekum irika antuk Ngaredana Sika – Prana, 3, 7, 4, ngelantur gerakang nuju “ Lelata “ ring genah irika sampun mawasta “ Kutamarana “ malih kekum irika lan selanturnyane gerakang malih nuju “ Dada / ke tangkahe “ malih kekum irika, malih gerakang ke Irung utawi Hidung, yaning sampun marasa irika malih kekum, ngelantur medalang nuju ke “ Marga Tiga “ lan irika mawasta “ Sang Ratna Kumangbang “ ngelantur kekum irika. Wus punika ragane raris “ Ngaredana Sika – Prana, 5, 11, 6, “ antuk mata utawi netra Ngidem, ngelantur alon-alon ngedat nyingat muncuk utawi ujung irunge, irika ragane nyingak “Pelita utawi bayangan tan pekampid” .  Yaning Sampun sekadi punika tatengere, punika macihna ragane sampun prasida ngemargiang kawisesan “ Kanda Pat Bhuta lan Pasuyk Wetu “ punika, dadosnyane ragane secara niskala sampun kabawosang I Manusa sakti.

Liyanan ring punika sepatutnyane taler ragane nguningin dasar-dasar papelajahan Sang Kuranta Bolong, wanta Sang Hyang Tigaswari Muka wenang kawentuk utawi kalinggihang ring angga sarira. Ida Hyang Brahma, Ida Hyang Wisnu lan Ida Hyang Iswara kawentuk manunggal ring Hyang Kumara Bolong.  Malih kabawosang Aksara Suci, Am, Um, Mam, sane mawiwit kalinggihang ring “ Pusar “ angga sarira, raris kagerakang nuju Hati utawi Ati antuk “ Ngaredana Sika – Prana “ 3, 7, 4, lan kekum irika, ngelantur gerakang malih nuju ke Ciwa Dwara utawi Pabahan angga sarira lan kekum irika antun itungan 5, 11, 6, ngelantur ngamurtiyang utawi kalinggihang irika Ida Bhatara Guru Ciwa Sakti lan rasayang Ida jumenek irika. Ngelantur ragane ngawentuk Sinar Suci Ida Bhatara Guru Ciwa Sakti lan Ida Sang Hyang Palyanta utawi Ida Hyang Maha Dewi mangda manunggal Ida kalih ring Ciwa Dwara ragane. Wus Ida manunggal, irika Ida sampun maragayan Ida Bhatara Dalem Sinunggal utawi Ida maragayan Ciwa-Durgha, yaning sampun sekadi punika tatengere ragane ring Niskala lawan Sekala ragane sampun kabawosang I Manusa Sakti sane pinih utama.

“ Paweweh lan Pakeling “

“ Tata-titining anunggil aken Ciwa kalawan Durgha ring angga sarira “

·         Negak masila nyakupang tangan nyingak ujung itawi muncuk irung marep “ Purwa “ antuk upakara sewentene, sekadi Sekar, Toya lan Dupa utawi Api. Makampuh, yaning maplajahan ring pakubun druwe. Lian ring Griya, pinaka upakaranyane sekadi Pras Pajati utawi sanistannyane pengaturan Canang Sari pinaka dasar tuntunan ikang Sastra ring angga sarira. Pinih utama nuntun pikayunan ragane sumangdene prasida teleb lan sumirep ring kajaring Sastra, rikala ngawentuk utawi angelinggihaken “ Sang Hyang Tiga Wisesa “ ngelantur nyuwara Aksarannia.

·         Am, magenah ring puser, marupa Bhuta Bang manunggal nuju marga sepi, Um, magenah ring tengah-tengah Hati utawi Ati, marupa Bhuta Ireng manunggal nuju marga sepi, Mam, magenah ring Uteking Prabhu, marupa Bhuta Petak manunggal ring marga sepi.

·         Makasami punika sepatutnyane katunggalang ing angga sarira manadi Sang Hyang Kuranta Bolong, “ Ayua kita Agembar-gembor lan Nora-nora ring Wong len, apan singit dahat nunggilaken Hyang Tiga Wisesa “ lamakaning tan keneng Sosot upadarawa kuasa sira Paduka Hyang Mami [ Ida Bhatara Guru Ciwa Sakti lan Ida Bhatari Durgha Dewi ] tan amanggih ikang punarbhawa wetuwan ira.

·         Patemuan ira Sang Hyang Dharmalewih kalawan Sang Hyang Alit, kekum antuk puja , Om, Ih, . . Om, Ih. Ngelantur manadi Sang Hyang Candra, kekum antu puja, Om, Uh, Eh, . . . Om, Uh, Eh. Yaning sampun kalaksanayang indik puniki raris Ida maraga Sang Hyang Omkara, lan kekum antuk puja, . . . Ngem,  . . 3x. . . . . Mutika, . . .  Om, Lit kasalit, . . 3x. Peng, . . 3x. . Om, Ul yang, . . . . 3x. Genipat, . . . Swar, . . . 5x. . . . . Udep Swar, . . . 5x. elingang ngawentuk swara jantung, swara hati utawi ati lan swara empedu pinaka Angin utawi Bayu, Api lan Toya utawi Air.

·         Wus maragayang Sang Hyang Omkara, malih kawetuk mijil saking “ Sapta Patala “ utawi saking Pratiwi raris kalinggihang ring Limpa ngelantur ke paru-paru raris mijilang liwat rongga angga sariri sekadi, Netra kalih, Karna kalih, Irung kalih, Cangkem, Purus utawi Baga, Bol utawi anus, Sang Hyang Omkara maragayan Toya / Air lan Geni / Api.

·         Ngelantur wentuk Sang Hyang Wijasakuta anggen pinaka gegambelan, antuk mantra : Om ngemijilang saking Uteking Prabhu, Ah ngemijilang saking Puser, Mam ngemijilang saking Pikayunan utawi Hredaya, raris tunggalang ring genah asiki ring Empedu. Yaning sampun marasa irika “ Rawosang : Bayu Pramana “ marupa kawisesan Wijaksara-kuta sane Wisesa lintang Utama pisan.

·         Kawisesan Wijaksara-kuta puniki maragayan :

-          Sang Hyang Maya Wisesa

-          Sang Hyang Candra Maya

-          Sang Hyang Nara Raja

Makasami punika malinggih ring Galah lan Genah seki Bhuana Agung ;lan Bhuana Alit, yaning iwang antuk malajahin panunggilan “ Ciwa-Durgha “ puniki ragane metu sisu ring raga.

·         Makasami paplajahan puniki pinaka tutunan jagi ngemargiyan “ Gagelaran sane jagi ragane ambil benjangan “ manut sane kabuatang ragane sekadi :

-          Atma                             Bhuta                    ala, leyak.

-          Tatwatma                    Kala                        Ayu, desti.

-          Niratma                        Dewa                    Ayu, papa, balian, dukun.

-          Amyatma                    Bhataraswara    Taru Pramana, obat, waras, sembuh.

·         Wantah rawuh sekadi puniki manten sane prasida antuk Ida Lingsir nuntun, pinaka dasar-dasar garane ngambil Gagelaran sane ragane buatang. Mapan kelanturannyane wenten paplajahan sekadi :

-          Pangiwa-ngiwaan manut daging Lontar : Aji Pangiwa Ratuning I Macaling, Budha Kacapi, Punggung Tiwas, Aji Kreket, Aji Gruguh, Adesti lan Aneluh Tranjana, Tungtung Tangis, Sundari Gemet, Sundari Gading, Uriga, Aji Pangijeng, Medangkemulan, Weraspati Kalpa, Kala Tatwa lan akeh sane sewosan sane saling makaitan utawi maiketan inggian, Dina, Gala, Wetuwan.

-          Ngawindhu Kapemangkuan madasar antuk Weda Parikrama, Niti Sastra, Bagawadgita, Mpulutuking upakara, Weda Welaka, Uriga, Weraspati Kalapa, Asta Bhumi, Asta Kosala, Asta Kosali lan akeh sane sewosan.

Puput.

 Sumber “ Lontar Kanda Pat Bhuta lan Pasuk Wetu “ Griya Agung Darbhasari Pancasari.

Ambil alih basa  “ Bali Kepara “  Olih : Griya Agung Darbhasari Pancasari